Bügen Amerika Quşma Ştatları Berläşkän Millätlär Oyışması İminlek Şurasına Ğiraqqa qağılışlı yaña rezolyutsiä ölgesen täqdim itte. Rezolyutsiädä- Britaniä häm Quşma Ştatlarğa Ğiraq belän tağın kimendä 1 yıl idarä itürgä röxsät sorala, monnan tış Ğiraqqa qarşı sanksiälärne kiläse aydan başlap beterü häm Ğiraq neften Berläşkän Millätlär Oyışması kontrolennän alu turında süz bara. Waşington, neft satudan kilgän aqçanı tözekländerü fondına salıp barırğa täqdim itä. Bu aqçalar belän Berläşkän Millätlär Oyışması, Dönya Bankı häm Xalıqra Valyuta Fondı idarä itäçäk.
Rezolyutsiägä xuplaw tabu öçen Däwlät Sekretare urınbasarı Kim Holmes kiçä Rusiä tışqı eşlär ministrlığı wäkilläre, bügen Germaniä räsmiläre belän oçraştı.
