Bu çığışın ul ilneñ tönyağındağı, SARStan iñ zur zıyan kürüçe töbäklärneñ berse bulğan Şanksi ölkäsenä barğaç yasadı.
Bügen Pekiñdağı citäkçelär başqala räsmilären bu awıruğa qarşı köräşne kimetmäskä çaqırdı.
Soñğı arada Pekiñda SARSnı yoqtıruçılar sanınıñ kimüe turında xäbär itelä. Ämma Dönya Sälamätlek oyışması şähärdä bu awırunıñ kimüe turında äytergä äle irtäräk dip belderde.
Bügen politsiä tönyaqtağı Tianjin şähärendä SARS xastaxanäse tözügä qarşı baş kütärüdä qatnaşqan 9 keşene totqarlawı turında belderde.
Qıtayda SARS awıruınnan kimendä 235 keşe hälak buldı, bu awıru 4800-dän artıq keşegä yoqtı.
