Dönya Sälämätlek Oyışması belgeçläre bügen SARS belän bäyle tikşerülärne Qıtaynıñ Guanxi provinsiäsendä uzdırdı. SARS virusı çıqqan Guangdong provinsiäse belän çiktäş Guanxi ölkäsendä dä üpkä yalqınsınuınıñ yaña tören yoqtırğan keşelär küp bulırğa mömkin. Qıtay bügen yañadan 12 keşeneñ ülgäne turında xäbär itte. 75 keşe –SARS virusın yoqtırğan dip xäbär itelä. İl buylap pnemoniäneñ bu yaña töre belän 5 meñnän artıq keşe awırıy. Hong Kongta bügen yaña awırıp kitüçelärdän 7 keşe terkälgän, Taiwanda-23.
Dönya buylap SARStan kimendä 550 keşe ülde.
