Accessibility links

Кайнар хәбәр

Däwlät sekretarınıñ yaqın könçığış säfäre


Däwlät sekretarı C.Powell İzrael belän fälästinnär arasında tınıçlıq protsesın başlap cibärü tırışlıqları belän yaqın könçığış illärendä yöri.Kiñ küläm mätbuğat çaralarına qarağanda Powell säfäre ber nindi borılış noqtasına kitermägän. Şulay da Powell vizitı bälkim dä ike yaqnı yıllardan soñ berbersenä yaqınlaşırğa yardäm itär. Bu atza azaqlarında İzrael belän fälästin premierläre oçraşırğa tieş.

Amerika ximäyäsendä 2000-nçe yılda Camp David ta barğan tınıçlıq söyläşüläre özelgännän soñ izrael vä fälästin citäkçeläreneñ oçraşqanı yuq.Sharon 31 ay aradan soñ 16nçe mayda , Bush belän oçraşuğa 4 kön qalğanda Fälästinnärneñ yaña premiere Mäxmud abbas belän küreşä. Bu oçraşuınıñ älbättä Colin Powell basımı astında yasalğanı añlaşıla. Däwlät sekretarı yaña tınışlıq planı ‘solıx yulı ‘ n yaqlattıru missiäse belän töbäktä yöri. Köç qullanu ,yähud utarlarınıñ tözelüen tuqtatırğa çaqırğan plan 2005nçe yılda Fälästin däwläteneñ oyışuın küzdä tota. Fälästin premiere Abbas tınıçlıq planın qabul itsä dä Sharonnıñ AQŞ räsmilärenä solıx yulı planına tözältmälär isemlege tapşıruı häm yähud utarların tözüne tuqtatırğa cıyınmawı turında xabärlär bar. Yäkşämbedä Colin Powell Yerusalemdä Sharon belän ütkärgän mätbuğat konferensiäsendä,(audio) Fälästin räsmiläreneñ reforma ve tınıçlıqqa taba atlağan uñay adımnarın bez xuplıybız. Ämma bez Fälästinnärneñ bik tizlektä terror infrastrukturasın qoralsızlandırıp taratuın da kürergä telibez. Bu aksiä bulmıy, bezneñ barlıq tırışlıqlarıbz uñışsız bulaçaq. AQŞ mätbuğatı Powell säfären ällä ni uñay bäyälämäsä dä, däwlät departamentı süzçese Phillip Reeker (audio) Däwlät sekretarı här tuqtalışında uñay oçraşular ütkärde ul töbäktäge başqa il citäkçeläre belän söyläşülärenä däwam itäçäk dip äytte 13ay aradan soñ regionğa qaytqan Powell , fälästinnärneñ tormışın yaxşırtuı öçen İzraelgä täsir itergä tırıştı.İzrael 180 fälästinlene irekkä çığardı, 25meñ fälästinlegä İzraelgä eşlärgä kerergä röxsät birde. Ämma fälästinnär irekkä çığarılğannar nigezdä legal bulmağan eşçälär ide , alarnıñ bolay da törmä möddätläre tulıp kilä ide, alar xökem itelgän qorallı keşelär tügel dip belderde.İzrael tağı ber märtäbä iminlek dip belderep Gazağa yullarnı yaptı. Bu anda yäşäwçwlär öçen yıllardan birle bulğan in awır çikläü bulıp tora. Kiçä izrael xärbiläre 3 fälästinlene üterde. Izrael yağınnan taşlamalar bulmasa da, Bushnıñ iminlek kiñäşçese C.Rise Reuters-qa birgän ängämäsendä Powell yaxşı progress yasıy dide. Powell belän säyäxät itkän amerikan räsmilärenä qarağanda , premier M.Abbas Powellğa radikal törkemnärne taratuda qararlı buluın tik monıñ öçen İzraelneñ dä qayber çikläülärne ciñeläytergä tieşlegenä basım yasağan. Qayber analitiklar ğomumän Abbas terrornı tuqtataçaq keşemedigän soraular quya. Waşingtonda cato institutı analitığı Ted galen Carpenter bolay di(audio) Extremistlarnı kontrol här waqıt problema bulıp tora.Fälästinnär bigräk tä moñı buldıruçılar dip äytep bulmıy. Min älege fälästin citäkçelege Hämäs, Hızbulla häm başqa islamçı törkemnärne awızlıqlauda yaxşıraq bulır digän ber nindi dä dälil kürmim. Küp kenä küzätüçelär tınıçlıq protsesında çın progressnıñ buluı öçen AQŞ prezidentınıñ turıdan turı qatnaşuı zarur dip qarıy. İn soñ andıy tırışlıqnı 2meñçe yılda prezident Clinton kürsätte.. Michigan Universitetı profesorı Tanter kiläse yılda saylaular aldınnan ğına Bush turıdan turı yaqın könçığış protsesına qatnaşırğa telär mikän dip sorıy , Tanter ägär dä min Bushnıñ ölkän politik kiñäşçese Karl Rove bulsam prezidentqa başqa närsälärgä iqtibar itergä, ğäräb-izrael konfliktın Powelga tapşırırırğa quşır idem dip söyli. Bu inde Tanter qaraşıça Waşington fälästinnär yağınnan zur progress yasaluın kötäçäk, saylau yılında İzraelne yaqlauçı saylauçıların açulandırmas öçen aña basım yasamayaçaq Atna azağında Sharon belän Abbas oçraşularında urtaq tel tabaçaqlar mikän ?

Färidä Xämit, Praga
XS
SM
MD
LG