Aljirda bulğan cir teträw näticäsendä kimendä 770 keşe häläk buldı, 6 meñgä yaqını yaralandı. Richter ülçäwe belän 6.7 bal köçkä iä zilziläneñ üzäge başqaladan 50 çaqrım yıraqlıqta bulğan. Premyer-ministr Ahmed Uyahia, cimereklär astında küp keşe qalğanın belderde: "Borçılu tudırğan äyber şul-binalar astında keşelär qaldı. Xakimiätlär, qotqaru törkemnäre, xärbilär häm cirle xalıq-keşelärne qotqaru öçen böten mömkin bulğannı eşli, läkin bu ğına citmi äle", dide Aljir premyer-ministrı. Germaniä, Fransiä häm tağın qayber başqa illär yardämgä üz belgeçlären cibärde.
