Yäkşämbedä premier Ariel Sharon kabinetında solıx yulı isemle tınıçlıq planın raslatuğa ireşte .Xökümät yaqlau öçen baytaq qına şartlar, şulsanda fälästinnär qorallı törkemnären taratsın digän şart ta alğa sörde.Ayrım tawış birüdä kabinet, fälästin mohacirları häm alarnıñ näselläreneñ İzrael territoriesenä kire qaytuın tıydı.23 ministırnıñ 12 genä yaqlap tawış birde, 7 ministır qarşı tawış birgändä 4se tawış birüdän totılıp qaldı. Niçek kenä bulmasın İzrael xökümäte berençe märtäbä 1967nçe yılda okupatsiälägän territoriädä Fälästin däwläteneñ oyışıun yaqlağan buldı. Sharon AQŞ, Russie, BMO vä Yevropa Berlege tarafınnan äzerlängän plannı , Waşington İzraelneñ dokument turındağı borçıluların küz aldında totırğa wäğdä itkännän soñ ğına kabinetta tawışqa quyarğa riza buldı. Solıx yulı 2005nçe yılda Fälästin däwläteneñ oyışuın mäqsat itep quya. Dikäber ayında tämamlanğan plabn İzraelne könbatış Yordan Üzäne häm Gaza Sızığında yähud utarları tözüne tuqtatırğa , armiäne intifada başlanğançı yäğni 2000nçe yıldağı çiklärgä çigenergä çaqıra. izraelneñ İnfrastrukatura ministırı Yosef Paritsky plan tawışqa quyılğannan soñ bolay dip äytte ( audio)
Minemçä bez xäzer AQŞ xökümäte belän elemtägä kerep plannıñ berençe fazasında öytelgännärne ğämälgä quya başlarğa tieşebz. Älbättä bez Fälästin xakimiätläreneñ üz öleşlärenä töşkänne başqaruların , bigräk tä solıx yulında äytelgäneçä terrorğa qarşı nıqlap köräşüen kötäbez, Bez tägärmäçlärne äyländerä başlarğa tieşbez, Suğışlarnı beterü häm söyläşülär östälänä qaytu öçen waqıt citkän.
Fälästin wäkile Saeb Erakat izraelneñ solıx yulı planıñ qabul itüdä prezident Bushnıñ role bik zur dip äytep (audio)
İzrael xökümäte şunduq Fälästin däwläten , fälästin citäkçelege isä İzrael däwläten tanuı turında belderü yasarğa tieş. Min süzlärne ğämälgä quyu öçen waqıt ölgergän dip uylıym.
İzrael xökümäteneñ plannın qabul itüe turındağı xabär här cirdä uñay qarşı alındı. Yevropa Berlege süzçese Diego Ojeda Berlek bez solıx yulınıñ ğämälgä quyılaçağına zur ömedlär bağlıbız dip äyttte. Fransiä tışqı eşlär ministırı Dominique de Villepin yäkşämbedä izrael tışqı eşlär minsitırı Silvan Sharon belän ütkärgän press konferensiädä bolay dip äytkän ide(audio)
Fälästinnär solıx yulına riza buldı, izraellelär plannı rasladı, min alğa taba baru öçen mömkinçelek bar dip sanım,bu töbäkkä ömed kiterä häm älbättä solıx yulın ğämälgä quyu öçen bezgä köç, täväkkällek kiräk
Plannıñ qabul itelüenä qarata uñay fikerlär beyan itelsä dä , Yasir Arafatnıñ kiñäşçese Abu Rudeyna kebek skeptiklar da bar. Ul İzraellelär bezneñ kebek plannı üzgäreşsez qabul itergä tieşlär ide dide. Rudeyna süzlärençä ( audio)
Solıx yulınıñ raslanuı ğına citmi, bez garantiälärgä qaribiz.İzrael anı çınlap ta bernindi tözältmälär kertmi, kiçekmi qabul itergä tieş ide .
Tınçlıq planı turında intensiv diplomatiä bara. Fälästin premiere Abbas bugen Ramallada Fransiä tışqı eşlär minsitırı Villepen belän küreşte. Prezident G.Bush kiläse atnada Yordaniedä İzrael häm Fälästin premierläre belän summit ütkäräçäk dip belderde . İzrael tışqı eşlär ministırı.Älegä Waşington bu xabärne raslamadı. Bilgele bulğança Bush Yevropa Berlege, BMOsı qatnaşlığında Misırda bu turıda zur konferensiä ütkärergä telägän ide. Ämma Sharon, Fälästin, Misır , Yordaniä häm AQŞ qatnaşqan keçkenäräk oçraşu tarafında ide. Fälästinnär arasında yaña tınıçlıq inisiativasına optimizm belän qarauçılar bik az. Sharon NYT gazetasına birgän ängämädä, min ezlekle solıx telim dip äytsä dä, iminlek mäsäläsendä ber nindi kompromis bulmayaçaq dip äytep quydı.
Färidä Xämit, Praga
Färidä Xämit, Praga