Asefi: İran törmälärendä Al-Qaida citäkçeläre yuq

İran tışqı eşlär ministrlığı İran törmälärendä Al Qayda terror çeltäreneñ yuğarı wäkilläre yuq, dip xäbär itte. Bu xaqta ministrlıqnıñ matbuğat wäkile Hamid Reza Asefi süzlären kiterep İran radiosı belderde. İranda totqınlıqta Al-Qaida suğışçıları bar, İran bu terror çeltärenä qarşı köräş alıp bara dip beldergän Asefi.

Mondıy belderü, Amerika Quşma Ştarlarınıñ İrannı üzendä terrorçılarnı qaçırıp yatuda ğayepläwdän soñ yasaldı. Waşington, Tährännı, elekke Ğiraq prezidentı Säddäm Hösäin belän bäyläneştä torğan Al Qaidanıñ iminlek xezmäte başlığı Saif al-Adil häm xärbi çaralar belän citäkçelek itkän Abu Masab Zarqawi'nı qaçıruda ğayeplägän ide.