Şulay, xalıq äytkändäy, ülgännärneñ qäberen bel, isännärneñ qäderen bel, kilep çıqtı äle sişämbe könne Tatarstanda. Tormışta çınnan da, tanılğan millättäşlärebezne tügäräk datalar, yubileylar citkäç kenä qäderlärgä ğädätlänelgän. İlham Şakirovnıñ 60, 65-yıllıqları ütkängä şaqtıy inde. 70 yıllıqqa beraz äle irtäräk. Şuña kürä anı Tatarstan prezidentı qabul itüe kötelmägänräk bulıp çıqtı. Prezidentnıñ matbuğat üzäge bu oçraşuda tatar cır icatı üseşeneñ, aktual' problemaları turında süz bardı, dip xäbär itte. Mäğlüm ki, bıyıl april ayında täwge märtäbä İlham Şakirov isemendä Tatar cırı başqaruçılar bäygese ütkärelde. Bäyge barışı häm anıñ näticäläre turında “Azatlıq” radiosınıñ söylägäne bar. Menä şuşı başlanğıçqa uñay bäyä birelde häm şuşı bäygedä tatar cırına birelgän böyeklek, däräcä kiläçäktä dä saqlanıp qalsın ide, digän fiker äytelde älege äñgämä waqıtında.
Yunıs Ätnäle, Qazan
Yunıs Ätnäle, Qazan
