İzrail' qayber totqınnarnı azat itärgä, fälestinlelärgä qarşı qayber çikläwlärne yomşartırğa cıyınuın belderde.
İzrail' premyer-ministrı Ariel Şaronnıñ idaräse İzrail' Könbatış Yardan häm Gazadan qayber ğäskärlären çığarunı täqdim itte, ämma taraflar ğäskärlärne çığaru waqıtı turında kileşä almadı dide.
4-nçe iyündä İordaniädä Şaron häm Fälestin premyer-ministrı Mäxmüt Abbas bergäläp AQŞ prezidentı George Bush belän oçraşaçaq. Kiçä Abbas Fälestinlelärneñ Hamas suğışçan törkeme kiläse atnada İzrail'lelärgä qarşı höcümnärne tuqtatırğa rizalaşır dip ömetlänüen belderde. Ämma bügen Hamas citäkçese Abdel Aziz Rantissi Hamas äle haman da qarar qabul itmäde dide:
AUDİO: Şaronnıñ ul söyläşülärdä fälestin cirlärendä kübräk yortlar tözü, kübräk uraw yullar äzerläw, fälestinlelärneñ izge cirlären kübräk yähüdläşterü öçen waqıt otarğa tırışa. Şuña kürä bez bu söyläşülärgä qarşı. Alar fälestinlelärneñ mänfäğätlärenä qarşı, bezneñ maqsatlarğa qarşı.
Bügen Gazada İzrail' soldatları ber fälestinlene atıp üterde. Ul keşe İzrail'gä ütep kerergä mataşqan terrorçı dielä.
