Ramallah. İzrail qorallı köçläre bügen irtän Könbatış yardağı Jenin şähärendä, "Xämäs" radikal' törkemeneñ ike suğışçısına ut açıp, alarnıñ bersen üterde, ikençesen totqarladı dip xäbär itelä. İzrail yağı süzlärenä qarağanda, şul ike keşe şähär uramnarınıñ bersendä 30 kilolıq şartlatqıç urnaştırırğa tırışqan bulğan, İzrail ğäskäriläre alarğa kötmägändä höcüm itkän. Ul arada Quşma Ştatlarnıñ däwlät sekretare yardämçese Wiliams Burns bügen Ramallahta fälästin premyer-ministrı Mäxmüd Abbas belän oçraştı. Burns Yaqın Könçığışqa, prezident Bushnıñ kiläse atnada İzrail häm fälästin citäkçeläre belän yuğarı däräcäle oçraşuwın äzerläw öçen cibärelgän ide. Amerikan prezidentınıñ İzrail wä fälästin premyer-ministrları belän şuşı oçraşuwı yünneñ 4-endä uzarğa tieş.
