Accessibility links

Кайнар хәбәр

Buşnııñ Yaqın Könçığış säfäre


George Bush çit illärdä prezidentlıq däwereneñ in intensiv diplomatik aktivlığın alıp bara. Merasim, ikele söyläşülär, summitlardan soñ bu säfärneñ in möhim mäqsatı bulıp, İzrael häm fälästin premierläre belän oçraşu, yaqın könçığış tınıçlıq protsesın canladıru tora . G-8lärneñ urtaq deklaratsiäsen dä kötmi yaqın könçığışqa taba yul totqan G.Bush ''solıx yulın '' ğämälgä quyuda üzennän eleke AQŞ citäkçelärenä qarağanda uñışlıraq bulır mikän?

İke yıl yarım prezident bulıp torğan G.Bush berençe märtäbä izrael häm fälästin citäkçelräe belän öçle oçraşuğa qarar birde. Äle küptän tügel genä Bush administratsiäse yaqın könçığışqa kirägennän kübräk iqtibar birde dip prezident Clintonnnı tänqitli ide.Ämma amerikan räsmiläre xäzer , Saddamnıñ çitlätelüe, häm fälästinnärneñ yaña premier bilgeläünnän soñ Bushnıñ solıxqa omtıluı öçen waqıt ölgergän dip söyli.AQŞ,BMOsı, Yevropa Berlege häm Russiä tarafınnan äzerlängän tınıçlıq planı 2005nçe yılda fälästin däwläteneñ oyşıuın küzdä tota. Prezident Bush şimbädä Polşada Krakowta säfäreneñ mäqsatın bolay dip añlatqan ide(audio) kiläse atna baş larında Fälästin vä İzrael premierläre häm töbäkneñ başqa citäkçeläre belän oçraşam.Min alarğa alda torğan eş qıyın qararlar qabul itüne taläp itä dip xäterlätäçäkmem, Min tınıçlıq urnaşuı öçen barlıq citäkçelärneñ terrorğa qarşı köräşergä tieşlegen, iske yul , argumentlarnı çitkä qağırğa tieşleklären xäterlätäçäkmem.Yaxşı citäkçe kimseteletü, üterü häm matämneñ aylarça, yıllarça däwam itüen qabul itä almi. Min taraflarnıñ kileşügä ireşüe häm kileşüneñ ğämälgä quyuluı öçen qulımnan kilgän här törle yardämne kürsätäçäkmem. Fälästin premiere Mäxmud Abbas häm izrael premiere Ariel Sharon belän Yordanie portı Aqabada oçraşqançı Bush sişämbedä Misırda Sharm el Sheikhta ğäräb citäkçeläre belän küreşä. Äytergä kiräk G.Bushnıñ mäqsatları 2000-nçe yılda Prezident Bill Clintonnıqı belän çağıştırğanda tıynağraq. Clinton ülem tüşägendäge Oslo kileşüen qotqaru öçen Camp Davidta könnärçä Ehud Baraq häm Yasir Arafatnı kileşterü öçen tırışqan ide. Ämma Bush planı bötenläy başqa :Waşingtonda urnaşqan yaqın könçığış säyäsäte institutınnan David Makowski ( audio) Bu axır azaq tügel, ä başlanğıç , mäqsat solıx tügel ä solıxqa yul açaçaq şartlar buldıru. Mäqsat 2000nçe yıldağı belän çağıştırğanda küpkä tıynağraq, ämma doşmanlıq, ışanıçsızlıq bik köçle, bu eşlärne yulğa salu öçen şans bulıp tora. Älege Bushnıñ summitı uñay bulır digän ömed tudıra . İke yaq ta simvolik taşlamalar yasıy. Ni äytmä Sharon belän Abbas atnakiçtä ikençe märtäbä oçraşıtılar, İzrael 25meñ fälästin eşçesenä yañadan İzraeldä eşlärgä röxsät birde. İzrael şulayuq Abbbasnıñ fälästin qorallı törkemnäre belän ireşäçäk atışlarını tuqtatu kileşüen dä qabul itäçägenä işarä itte. Elegeräk ul qorallı törkemnär yuq itelergä tieş dip taläp itkän ide. Abbas bu törkemnär belän 3 atna eçendä kileşügä ireşüne ömed itä. Ayruça Sharon berençe märtäbä okupatsiä süzen telgä alıp, İzrael irtäme soñmı fälästin territoriälärennän çıgenergä tieş dip äytte. Abbas isä terrorğa qarşı bik nıq qarşı çığıp bu fälästinnärgä ülem häm ömedsezlek kenä kiterä dip söyläde. Bolar älbättä bik keçkenä adımnar, ämma tınıçlıq protsesın canlandırıp cibärü öçen bik tä möhim. Radiobızğa birgän ängämädä Makowski ( audio) Minemçä citäkçelekne kürä başlau iqtibar cälep itä. Bu bik möhim. Sharon Okupatsiä turında , Abu mazen terrornıñ moral yaqtan xata buluın, terrornıñ fälästin mäsäläsen qanunsızlaştıruı turında söyli.Min bu citäkçelekneñ bäyäsen kimetmäs idem, bu alarnıñ ikese arasında ozın möddätle partnörlıq buldıruda açqıç bulaçaq. Bush üze dä Krakowta (audio) yaqın könçığışta terrornı xökem itkän yaña fälästin citäkçeseneñ buluı, taraflar ike däwlätneñ( Fälästin ve İzrael) yänäşä tınıç häm imin yäşäwe turında kileşerlär digän ömed birüçe işarä bulıp tora. Küp kenä ğäräblär Bush solıx urnaştırır, häm moñı eşlägändä tarafsız bulır dip ışanıp betmi. Ämma George Waşington universitetı profesorı Murhaf Joujati Misır summitı bu tör fikerlärne yuq itär dip qarıy. Anıñ süzlärençä ( audio) Bu AQŞ prezidentınıñ yaqın könçığışta tınıçlıq urnaştıru öçen üz şäxsen abruyın quyuın kürsätä. Elemtä , fizik elemtä bik yaxşı häm bu töbäkkä Amerika citäkçseneñ yaña tınıçlıq inisiativasın başlap cibärüdä ciddi buluın kürsätäçäk Bushnıñ sişämbedä Misırda regionnıñ möhim ğäräb citäkçeläre belän oçraşuı , alarnıñ terrornı xökem itep çığuları fälästinnärneñ yaña premiere öçen möhim säyäsi tayanıç bulaçaq.

Färidä Xämit, Praga
XS
SM
MD
LG