Accessibility links

Кайнар хәбәр

Fransiäneñ Evian şähärendä Sigezlek oçraşuı tämamlandı.


Fransiäneñ Evian şähärendä Sigezlek oçraşuında qantanşuçı dönya citäkçeläre Ğiraq tulısınça suveren, totrıqlı häm demokratik il bulırğa tieş digän urtaq fiker belderde. 3 kön däwam itkän cıyınnı yomğaqlaw möräcäğätendä Sigezlek citäkçeläre xäzer Ğiraqta tınıçlıq urnaştıru häm tözekländerü waqıtı citte dip isäpli dielä. Sigezlek citäkçeläre şulay uq İran belän Tönyaq Koreanı dönyaküläm atom saqlıq qağidälären ütärgä häm Tönyaq Koera atom krizisın tınıç yul belän çişärgä çaqıra. Sigezlek citäkçeläre xalıqara terrorçılıq häm küpläp üterü qorallarınıñ taraluı dönya iminlegenä yanıy dip äytte. Dönyaküläm iqtisadnıñ kiläçägenä Sigezlek citäkçeläre ömet beldersä dä, dollarnıñ bäyäse töşü, euronıñ kisäk qimmätlänüe turında süz bulmadı. Dönya citäkçeläre şulay uq Yaqın Könçığışta tınıçlıq urnaştıru öçen täqdim itelgän yaña plannı tormışqa aşırırğa yardäm itäçäklären belderde.
XS
SM
MD
LG