Accessibility links

Кайнар хәбәр

Tatarstan mäktäplärendä tatar telennän yazma eşlär imtixanı niçek bara?


Pänceşämbe irtäse Tatarstan mäktäplärendä çığarılış sıynıfları öçen ikençe sınaw imtixanı belän başlanıp kitte. İnde ikençe yıl Mäğärif ministrlığı çığarılış imtixannarınıñ yazma eşläre temaların iğlan itüdä eksperiment ütkärä. İmtixan könne respublikanıñ töp tele-radio kanallarında lototron uynatıla. Pänceşämbe könne “Tatarstan Yaña ğasır” televideniese studiäsendä, 8.45 säğättä lototron uynatu näticäsendä tuğızar tema tuplanğan soçinenie komplektınıñ nomerı bilgele buldı. Tatarstan Respublikası Mäğärif ministrı Faris Xarisov citäkçelegendäge komissiä unberençe komplekttağı temalarnı iğlan itte, dip söyli älege waqiğa turında www.intertat.ru

“Yazma eşlär, icat eşläre temaların yañaça iğlan itü awıl mäktäplärendä niçek qabul itelä soñ? Pänceşämbe könne, öylä waqıtında, Tuqayça äytkändä, “näq Qazan artındağı” Olı Ätnä urta yıllıq mäktäbenä çıltırattım. Tatar tele häm ädäbiäte uqıtuçısı Ğabidullina İlsöya belän qısqaça ğına söyläşep aldıq.

AUDİO. İlsöya xanım Ätnä mäktäbendä 15 uquçı tatar telennän yazma eş yazuları, yazma eş temaların lototronda uynatunı uñay qabul itüläre turında säyli. Çönki barlıq temalarda aldan matbuğatta bastırılıp çığa häm lototronda saylap alınğan temalar kötelmägän yañalıq bulmıy. Bıyıl lototronda çıqqan temalardan Ätnä mäktäbe uquçıları “Ul cırnı qayda işetsäñ, tuğan il şunda bulır” häm “Fatix Kärimi icatında mäğrifätçelek ideyäläreneñ çağılışı” digän temalarnı saylağannar.

“Tatarstan Yaña ğasır” televideniesendä lototron uynatu aldınnan Mäğärif ministrı “bıyıl Tatarstanda tatar mäktäplären 9980 uquçı bala tämamlıy”, digäç küplärneñ küñele bulğandır. Şaqtıy sallı san. Läkin 60-yıllar azağında yözdän artıq uquçı bala tämamlıy torğan Olı Ätnä urta mäktäbendä, işetüegezçä, bıyıl barı tik 15 uquçı çığarılış imtixannarı birä. “Bez öylängäç, tön qısqardı” digändäy, şulay tatarça uqıtu mömkinlekläre artqaç, uqıtuda zamança texnologiälär qullana başlağaç qına, balalar sanı häläkätle räweştä kimi ikän. Xäyer, monısı ayırım ber tema.
XS
SM
MD
LG