Kiçä Gruziä belän annan ayrılırğa teläwçe Abxaziä arasındağı Kodori tarlawığında totıq itep alınğan öç küzätüçeneñ ikese Germaniä, berse Daniä watandaşı.
DPA Gruziä prezidentı wäkile Emzar Kvitisianinıñ ezläw operatsiäse alarnı urlap alıp kitkän qorallı keşelärneñ qayda buluın açıqlarğa yardäm itte digän süzlären kiterä.
Xäzer totıqlarnı azat itü turında söyläşülär bara dip isäplänelä.
Küzätüçelärneñ kem qulında buluı mäğlüm tügel. Ämma moñarçı Kodori tarlawığında 2 märtäbä totıq itep alınğan BMO küzätüçeläre söyläşülärdän soñ azat itelgän ide.
