Accessibility links

Кайнар хәбәр

Russiä däwlät duması qoralların tapşıruçı çeçen köräşçelären yarlıqaw qanunın xupladı.


Soñğı uqılışta bu qanun öçen 352 deputat, aña qarşı 25 deputat tawış birde. Räsmi basma Rossiyskaya gazetada basılıp çıqqannan soñ bu qanun ğämälgä keräçäk. Qanun soñğı distä yıl eçendä cämäğätçelek iminlegenä qurqınıç tudırğan çeçen köräşçelären, Russiä soldatların häm cirle xakimiät wäkillären yarlıqıy. Çit il watandaşları häm üterü, köçläw, totıq alu kebek cinayät qılğannar yarlıqanmıy. Russiä prezidentı Vladimir Putin kiñäşçese Sergey Yastrjembskiy bu yarlıqaw suğışqa säyäsi çişeleş kilüneñ qotılğısızlığın kürsätä dide. Keşe xoquqların yaqlaw oyışmaları bu qanun Çeçnädä tınıç xalıqqa qarşı cinayätlär qıluda ğäyeplänüçe Russiä soldatların cäzadan saqlap qalaçaq dip borçıla.
XS
SM
MD
LG