Accessibility links

Кайнар хәбәр

Qabulda 4 alman soldatı hälak buldı häm tağın utızlap keşe yaralandı.


Äfğänstan başqalasında Germaniä tınıçlıq saqçıları utırğan avtobus yanında bulğan şartlaw näticäsendä kimendä 4 alman soldatı hälak buldı häm tağın utızlap keşe yaralandı. Anda intixarçı bomba şartlatqan bulırğa mömkin dip sanala. Soldatlarnıñ ülüe turında Germaniä saqlanu ministrlığı belderde. Ministrlıq distäläp keşe qatı yaralandı dip belderä. Yaralanuçılar arasında äfğännar da bar. Äfğänstanda eşläwçe Xalıqara İminlek Yardäme Xezmäte wäkile leytenant polkovnik Paul Kolken uzıp baruçı maşinadan maqsatçan räweştä höcüm itkännär dide. Germaniägä qaytıp kitü öçen hawa alanına baruçı soldatlarnı utırtqan aftobus yanınnan uzıp baruçı maşinada bomba şartlağan. Äfğän räsmiläre äytüençä, barlığı 6 keşe ülgän bulırğa mömkin. Ämma bu san äle raslanmağan. Germaniä kanslerı Gerhard Schroeder belän Äfğänstan prezidentı Xämit Karzai bu höcümne terrorçılar eşe dip ğäyepläp çıqtı.
XS
SM
MD
LG