AQŞ saqlanu ministrı Donald Rumsfeld NATO berektäşlären yaña yanawlarğa qarşı torırday itep berläşergä çaqırdı. Rumsfeld, Germaniäneñ Garmisch-Partenkirchen şähärendä Pentağon yärdäm kürsätep torğan xalıqara öyränü üzägendä xärbilär häm räsmilär qarşında çığış yasadı. Ministr Äfğanstanğa ber batalion xärbilär ozatqan häm yaqın kiläçäktä Ğiraqta häm Rumıniädäge küpmillätle kontingent başında toraçaq Pol'şanıñ tırışlıqların yuğarı bäyäläde. Rumsfeld irtägä Brüsseldä NATO illäreneñ saqlanu ministrları belän oçraşaçaq.
