Accessibility links

Кайнар хәбәр

Fälästinnär dä, İzrael dä Buşnıñ tınıçlıq planına ayaq çalalar.


AQŞ prezidentı Buşnıñ Yordaniädäge summitta zur tantana belän iğlan itkän tınıçlıq inisiativasına ber atna ğına vaqıt ütkän bulsa da, şuşı plannıñ ütäläçägenä köçle şik tudı. Radikal fälästin oyışması Hamas "yul kartası" dip atalğan tınıçlıq planın kire qaqtı. İzrail üz nävbätenä dokumentnıñ qarası qorırğa da ölgermäde Hamas citäkçelärenä höcümnären yañarttı.

Prezident Buşnıñ Yaqın Könçığışqa säyäxäte vaqıtında ütkärgän summitta üzeneñ yul kartası dip atalğan tınıçlıq planıñ İzraeil premiere Şarom belän Fälästin xökümät başlığı Abbasqa qabul itterüenä ber atna vaqıt ta ütmäde, ä inde anı ğämälgä quyıp bulmas digän qaraş bik köçle. Ni öçen? Monıñ öçen ike yaq ta ğäyeple. Hamas häm başqa fäläsinle radikal törkemnär Maxmud Abbas belän İzraeilgä qarşı höcümnären tuqtatuğa bağışlanğan söyläşülärne tuqtattılar , yul kartasın kire qaqtılar. İzraeil premiere Şaron üz nävbätendä Abbasqa yardäm itü öçen totnaqlıq kürsätäse urınğa Hamas citäkçelärennän Rantisine üterü öçen boralaqlar belän ul utırğan aftomobilgä höcüm itterte. Hamasnıñ cavabı kiçekmäde. Jerusalemde intixarçı fälästinle aftobusqa menep anı şartlattı. 45 minut ta ütmäde İzrail boralaqlar belän höcüm itep ike militantnı häm biş tınıç fälästinlene üterde. Biş säğättän soñ İzrael Gazağa höcüm oyıştırdı. Xäzer inde Hamasnıñ cavabın yäisä İzrealneñ yaña höcümen kötärgä qaldı. Fälsätin premiere Abbas, Hamasnı köç belän qorallandırmayaçağın belderüe belän İzrailgä küç qullanuı öçen argument birde. Läkin, ikençe yaqtan İzraeilneñ fälästin iminlek köçlärenä häcümnäre, anı zäğiflätte häm Hamasqa qarşı küç qullanu mömkinlegen çikläde. Şulay uq Abbasnıñ Fatax oyışmasında da berdämlek yuq. İzrael premiere Şaron da ber yaqtan Buşnı açulandırmas öçen kileşü şartların ütägän bulıp qılına, ikençe yaqtan terrorğa qarşı köräş digän bulıp plannıñ ğämälgä quyıluın qıyınlaştırğan adımnar atlıy. Terror höm qarşı terror solıx inisiatiasın başlatıp cibärägn AQŞ prezidentı Buşnıñ abruyın töşergäne kebek, anıñ açuın da kiterä. Şulay da , ul kisken reaksiä kürsätäse urınğa, İzraelneñ häcümnären dä, Hamasnıñ terror aktların da tuqtatırğa çağırğan yomışaq qına tänqitlävdän yıraqqa kitmäde. Ä inde andıy belderülärnıñ Yaqın Könçığışta qan qoyunı tuqtata almıyaçağı kön kebek açıq. Buş Yaqın Könçığışta tınıçlıq urnaştıru planınıñ ğämälgä quyıluı öçen üzeneñ basımın ike yaqqa ta köçäytergä tieş. Annan başqa fälästinnär arasında AQŞnıñ bitaraflığına şik köçle bulğannıqtan, fälästinnärgä basım yasauı öçen Yevropa Berlege belän xezmättöşlek itärgä häm aktivlığın koordinatsiälärgä tieş. Bu älegä kürenmi. Ägär dä Fälöstinärgä dä , İzrael xökümätenä dä totnaqlıq kürsätüläre häm kileşü şartların ğämälgä quya başlauları öçen qatı basım häm xätta sansksiälär quyu belän kisätülär yasalmasa, Buşnıñ yul kartası dip atalğan tınıçlıq planınıñ ul yazılğan käğäz qädär dä qimmäte qalmas.

Färit İdelle, Praga
XS
SM
MD
LG