Aqça yuuda ğäyeplänep San Francisco törmäsendä utırğan, Ukrainanıñ elekke premier-ministrı Pavlo Lazarenko bügen irekkä çığarıldı. Mäxkämäneñ kiläse utırışı avgust urtasına bilgelängän. Lazarenkonıñ advokatı Mariana Dolhopola äytüençä, xäkim Lazarenkonıñ irekkä çığaru turında üteneçen qänäğätländerergä bulğan. 1996-97 yıllarda premier-ministr bulıp eşlägän Lazarenko 1999-nıñ fivralendä Quşma Ştatlarğa kitkän ide. Premier bulıp torğanda 114 million dollar aqça yuuda ğäyeplänep ul şunda qulğa alındı. Lazarenko üzenä belderelgän ğäyepläwlärne kire qağa.
