Accessibility links

Кайнар хәбәр

İsrael häm Fälestin iminlek räsmiläre oçraştı


İsrael häm Fälestin iminlek xezmäte wäkilläre bügen köç qullanunı tuqtatu yulları turında çirattağı söyläşülären uzdırdı.. Oçraşunıñ näticäse turında ber süz dä äytelmäsä dä-Fälestin räsmiläre-söyläşülärne "uñay" dip bäyäläde. İsrael radiosı xäbär itüençä, xärbilär Gaza sızığınıñ tönyağınnan çığıp kitergä äzerlänä, läkin tögäl waqıtı bilgele tügel. Ğaskärlärne çığaru "tınıçlıq yulı" planı qısalarında oyıştırıla. Yaqın Könçığışta tınıçlıq urnaştıru planın ğamälgä kertü öçen cawaplı amerikan wäkile John Wolf bügen İsrael premyer-ministrı Ariel Şaron häm fälestin räsmiläre belän oçraşa. İsrael küzätüçeläre törkeme, yähüdlärneñ tağın 4 awılı yuq itelde, dip xäbär itte.

Bügen Rim Papası İoann Paul İkençe dä üzeneñ wağäzendä , xalıqara cämäğätçelekne, böten iğtibarnı Yaqın Könçığışta köç qullanunı beterü tırışlıqlarına yünältergä çaqırdı.
XS
SM
MD
LG