Ul illärneñ jitäkçelären Ğiraqta küpläp yuq itü qoralı turındağı küzläw mäğlümätlären döres iğlan itmäwdä ğäyeplilär. Britaniäneñ elekke tışqı äşlär ministrı Robin Cook, bügen parlament tikşerüläre waqıtında, Säddam Xösäyen rejimınnan çıqqan qurqınıçnı küpertep kürsäter öçen, maxsus küzläw mäğlümätlären xäkimiät barı tik öleşçä genä qullanğan dip belderde. Ğiraq mäs'äläsendä Toni Blair belän urtaq fikergä kilä almağan Cook, qarşılıq bilgese itep, eşennän kitte.
Quşma Ştatlarda xärbi köçlär eşe buyınça Senat komitetı räise Karl Lewin, CİA ışandırularına qaramastan, Amerikanıñ maxsus xezmäte , Ğiraqta küpläp yuq itü qoralı saqlanu turında bernindi mäğlümät tä birä almadılar dip belderde.
