Şähärneñ törle rayonnarında ütkärelgän Sabantuylarınıñ batırların häm osta sänğätkärlären sanap çığu mömkin tügel. Här rayonda zur citäkçelär räsmi wäkil bulıp, xalıqnı bäyräm belän qotladı. Qayınlıqta ütkän Sabantuyında tağın ber mizgel istä qaldı. Ozaq yıllar buyı at çabışlarında berençelekne alğan Ledok isemle yılğır layıqlı yalğa ozatıldı. Tatarstan citäkçeseneñ yaratqan atı bulğanı öçen genä tügel, ä bälki respublikadağı at çabışların yaratuçılarnıñ küñellärenä kerep qalğan şuşı malqayğa elekke yıllarda ireşkän ciñüläre öçen räxmät äytü tatar milläteneñ xolqına turı kilä. Ledok isemle şuşı atqa Sabantuyında matur bizäkle yapmalar büläk ittelär.
Atqa da, keşegä dä iğtibar kiräk, eştä dä, yalda da. Qayınlıqtağı Sabantuyında berençelekne Norlat rayonı başlığı Fatıx Sibgatullinnıñ bigräk tä usal häm bik üzençälekle xolıqlı atı yawladı.
