Accessibility links

Кайнар хәбәр

Saddam qayda?


Suğış betüge şaqtıy ğına waqıt ütkän bulsa da , Saddam qaya digän sorauğa äle dä cawap tabılmadı.Ütkän atnada AQŞ raketalarınıñ yuq itkän konvoydağı meyet qaldıları tikşerelä. Belgeçlär bälkim dä Saddam häm anıñ ike ulı häläk buluçılar arasında digän faraz belderä. Küzätüçelär Saddam yäki Bin Ladennı isän kileş tabıp alarnı cawapqa tartu Quşma Ştatları öçen zur qıyınlıqlar xasil itäçäk digän qaraşta .

Saddam Xösäinneñ sekretarı, iminlek kiñäşçese häm tän saqçısı bulıp xezmät itkän Abid hamid Mahmud sişämbedä Tikrittä amerikan xärbilärenä birelde. Maxmud AQŞ isemlegendä Saddam ulları Uday vä Qusaidan soñ dürtençe urında tora. Ul Saddam häm ullarınıñ suğıştan isän qotıluların, üzeneñ Saddamnıñ ike ulı belän bergä konflikttan soñ Süriägä baruların beldergän. Britan gazetası OBSERVER 22nçe iyündä maşinalar konvoyında Saddam häm ulı Udaynıñ buluı bik tä ixtimal dip yazıp çıqtı. Belgeçlär bombalanğan konvoydağı mäyetlärne tikşerä. AQŞ pensiädäge küzläü ofitsarı polkovnik Kennneth Allard qaraşınça tikşerüçelär ömedlären tik qulğa alınğan Maxmudqa ğına bäylämäskä tieş, älbättä ul çığanaq bulıp tora ämma küzläü mäğlümäte törle çığanaqlardan kilä.Andıy keşelär kübräk qulğa alınsa , kübräk öynänäçäkbez Maxmud çılbırdağı ber buın ğına häm ul berdän ber tügel. AQŞ däwlät departamentında häm saqlanu ministırlığında küp yıllar küzläü analitiğı bularaq xezmät itkän Antony Cordesman Maxmud bälkim çıplap ta Saddam yazmışı turında ber närsä dä belmi , Ğıraq citäkçese in yaqın yardämçelärenä dä, üzeneñ urını , qaçu plannarı turında ber närsä dä söylämägänder , çönki ul AQŞ küzläü idaräläreneñ säläten bik yaxşı belä dip söyli .Cordesman äytüenä qarağanda amerikan räsmiläre Saddamnıñ eçke dairäse turında bik az belülären faş itärgä telämi , Maxmud kebek räsmilärneñ qulğa alınuı da ällä ni yardäm itmiäçäk, AQŞ räsmiläreneñ Saddam xökümäte turındağı mäğlümäte eksildäge ğıraqlılarğa tayana , alar ällä ni ışanıçlı çığanaq tügel. Prezident Bush häm başqaları Saddamnıñ qayda buluı möhim tügel in möhime anıñ çıtlätelgän buluı dip äytsälär dä Cordesman anıñ tabıluı bik möhim digän qaraşta. Cordesman süzlärençä ( audio) säyäsi yaqtan qarağanda AQŞ räsmiläreneñSaddamnı tabu töp mäsälä tügel dip äytülären añlap bula.Çönki bu missiä bik qıyın , älegäçä mömkin dä bulmadı. Ämma çınbarlıqta bu möhim , kiräkle missiä , citäkçelekne tabıp yuq itä almaunıñ bäyäse bik yuğarı. Belgeç Saddam tabılmasa , suğışta ciñdek dip äytep bulmayaçaq Äfganstandağı kebek Taliban bärep täşerelgän bulsa da, bäreleşlär däwam itäçäk, säbäbe bik ğadi äl Qaida citäkçese Osama bin Laden vä Taliban citäkçese Mulla Möxammäd Ömer qulğa alınmağan. Cordesman( audio) Çınbarlıq şul ki Äl Qaida vä Taliban citäkçelegeneñ Äfganstanda yäşäp qaluı anda qorallı bäreleşlärneñ däwam itüenä säbäp , bez çınlap ta Äfgan suğışında ciñep çıqmadıq.qurqınçnıñ qayber aspektları kimesä dä , töp qurqınıç qaldı. Küp kenä küzätüçelär qaraşınça , bin Ladennnı qulğa alu AQŞ öçen zur problemalar tudıraçaq, mäxkämädä ul üzen zur köçlärgä qarşı köräşüçe möselmannarnı ireklenderergä teläüçe keşe itep sürätliäçäk. Saddam mäsäläsenä kilgändä, ğäräb-izrael konfliktı säbäple könbatış belän ğäräb dönyası arasında zurıraq problemalar bar.nigezdä bolarnıñ Saddam belän bäyläneşe bulmasa da ul ğäräblärneñ könbatışqa ayrım alğanda AQŞ qarşı doşmanlığın arttırdı. Saddam mäxkämädä moñı qullana ala, Miloşeviç ta BMOsınıñ mäxkämäsendä üzeneñ suğış cinayätlären nindider däräcädä manimulatsiälärgä tırışa. pensiädäge küzläü ofitserı Kennth Allard mondıy spektaklgä mömkinlek birmäs öçen Saddam tabılğaç ta üterelergä tieş , bu ğıraqlılarnıñ ul tağı xakimiätkä qaytır digän qurquların beterer ide di. Allard (audio) Ğıraqlılarnıñ kübese Saddam xakimiätkä qaytır dip qurqa Xäykellärne cimerü bik yaxşı , min Saddamnıñ başın sönge oçında kürergä telär idem, şulay itep ber genä ğıraqlı da ul kire qaytaçaq dip qurıqmas ide Cordesman älbättä quşma Ştatları mänfäğätlärenä turı kilmägän citäkçelärne ütertü xoquqına iä tügel ämma Saddamnıñ keşe xoquqlarıbelän sanaşmauın, köç qullanuın küzdä totqanda min anıñ ülemenä matäm totmayçaqmım dip söyli

färidä xämit, praga
XS
SM
MD
LG