Accessibility links

Кайнар хәбәр

"Xalıq möcähidläre" terakt äzerlägän bulğan


Fransiäneñ maxsus xezmäte, İrannıñ oppozitsiädäge "Xalıq möcähidläre" törkeme äzerli torğan terakt xaqında ike atna aldan mäğlümätle bulğan. Bu turıda xäbärlär Fransiäneñ "Figaro" häm Amerikänıñ "New York Times" gazetlarında basılıp çıqtı. Fransiäneñ küzläw mäğlümätlärenä qarağanda, ekstremistlar İrannıñ Yewropadağı ilçeleklärenä höcümnär oyıştırırğa häm xäzerge köndä İran xäkimiäte belän urtaq tel tabıp eşläwçe, üzläreneñ elekke tarafdarların üterergä niätlängän bulğannar.

Ber atna elek Fransiä politsiäse "Xalıq möcähidlärenä" qarata kiñ külämle operatsiä ütkärde. Törkemneñ liderı häm tağın 10 aktivistı saq astında qala birä. "Xalıq möcähidläre" törkeme Quşma Ştatlarda häm Yewropa illärendä terrorçıl oyışmalar isemlegenä kertelgän.
XS
SM
MD
LG