1999 yılda şartlawlar oyıştıruda qullanılğan heksogennı Mäskäw häm Volgodonski şähärlärenä cibärergä bulışqan elekke GAİ xezmätkärenä qarata çığarılğan xökem qararın Stavropol' ölkäse mäxkamäse ğämäldä qaldırdı.
Mäxkamä 4 yılğa iregenän mäxrüm itelgän inspektor Stanislav Lübiçevnıñ eşne yañadan qararğa digän üteneçen kire qaqtı. Tikşerü xisabına qarağanda, Lübiçev, Kislovodskidağı post aşa şartlatqıç töyägän ul maşinalarnı rişwät alıp, tikşermi genä uzdırğan. Anıñ süzlärenä qarağanda, Lübiçev yök maşinasındağı qapçıqlarda şikär qomı dip uylağan.
