Accessibility links

Krasnoyar krae Sabantuyı.


Krasnoyar kraenda-50 meñ tatar yäşäsä dä, bezneñ tapşırularıbızda bu bay tabiğät'le töbäk turında xäbärlär siräk yañğırıy. Ä bügen ber qızıqlı yañalıq bar. Uzğan, yäki 29 yün, yäkşämbe könne Krasnayar kraen Tatış utrawı Sabantuyğa cıydı.

Krasnoyarda uzğan Sabantuyğa Qazannan tözeleş häm kommunal' toraq xucalığı ministrı Marat Xösnullin häm zur artistlar törkeme belän Tatarstannıñ atqazanğan artistı Röstäm Zakirovlar barğannar. Krasnoyar ölkäseneñ üzennän genä cide rayonnan qunaqlar kilgännär.Häm şulay uq ТV dän genä dä 7 kanal kilgän. Bıyıl Krasnoyarda uzğan Sabantuyğa ölkä radio gäzit xäbärçeläre küpläp kilgännär. 5 meñläp keşe cıyılğan.

Krasnoyarda ütkän Sabantuydağı tatar xalqınıñ milli uyınnarı, başqa millät xalıqların da qızıqsındıruına tağın ber dälil bulıp tora. Anda ütkän Köräş— ŞOU, qapçıq kiep yögerü kebek yarışlar, iñgä köyäntä asıp çiläk belän su taşu, awızğa kükäy salınğan qaşıq qabıp yögerü, çülmäk watu kebek milli uyınnar millätara uyennarğa äwerelep bara. Çönki bu uyınnar här keşe qatnaşa alırlıq. Uyınnar bik qızıq, häm yarışta qatnaşırğa zur äzerlek tä taläp itmi. Ämma, ciñü öçen, uyınnar ciñel kebek kenä toyılsa da, üzeñneñ yäşäyeş räweşeñdä zur tırışlıq salırğa kiräk. Äytik Köräş—Şou da bıyıl da rus yegete Sergey Red'kov ciñgän. Dimäk, Sergey tatar köräşen yarata, ul bit inde menä bıyıl bişençe märtäbä ciñgän. Sergeynı , bälki, büläk kenä dä qızıqsındırmıydır, ä köräşü üze. Yegetlär, şul köräştä köç sınaşıp , üzeneñ tirä—yağında dan totqan bit inde .Elek elektän köräştä ciñgän yegetlär xalıq arasında da häm qızlar arasında da iñ köçle, iñ uñğan, iñ buldıqlı, danlıqlı bulıp sanalğannar. Yıl buyı bu yeget ürnäk bulıp torğan. Şağirlär şiğer, yazuçılar äsärlären şul ciñüçelärgä bağışlağan. Yazuçı Ğalimcan İbrahimovnıñ da «Almaçuar» isemle keçkenä xikäyäsen bala—çağa yotlığıp tıñlarğa yarata bit.

Menä Krasnoyar ölkäse Sabantuyınıñ niçek uzğanın da«Yañarış» milli mädäni üzäge räise Wağiz Fäyzullin söyläde. Sabantuynı uzdıruda Krasnoyar ölkäse xakimiäteneñ, ölkäneñ mädäniät idäräse başlığınıñ ,şähär xakimiäteneñ , törle ere sänäğät predpriätielärneñ , eşquarlarnıñ yärdäme zur buldı dip östäp äytte Wağiz Fäyzullin.

Bäyrämnärneñ keşe küñele öçen, älbättä, ähämiäte bik zur. Bigräk tä inde milli ruxlı bäyrämnär keşegä nıq tä'sir itä. Tatarlar, ğomumän, qayda ğına yäşäsälär dä, Tatarstannı üzläreneñ tarixi Watanı itep qarıylar.Krasnayar tatarları da şulay,Sabantuyda qatnaşqan millättäşlärenä dä, Tatarstan Prezidentına häm Tatarstan Xökümäte Apparatına räxmät süzlären äytep süzen tämamladı –Yañarış milli—mädäni üzäge räise Wağiz äfände Fäyzullin.

Mälikä Basıyr.

XS
SM
MD
LG