Accessibility links

Кайнар хәбәр

Qazan qunaqlarsız tormıy...


Tatarstan üzeneñ çit illär belän elemtälären nığıta bara. Äle küptän tügel genä respublikada Çexiä eşmäkärläre bulıp, Tatarstan belen tanışıp kitte. Bu könnärdä isä Qazanda Slovakiä respublikasınnan qunaqlar kilde. 1 yündä Tatarstannıñ Säwdä häm tışqı elemtälär ministrlığında uzğan oçraşuda ike respublika arasındağı xezmättäşlek turında süz bardı, aradaşlıqnıñ yaña yulları xaqında söyläşende. Şul uq sişämbe könne qunaqlar qayber Qazan şirkätläre belän dä tanışıp çıqtılar. Qazanda tağın qunaqlar qarşılarğa äzerlänälär. Bu yulı inde başqalabızda 3-4 yün könnärendä ütäçäk Töbäk üseşe strategiäse İdel bıyıl sotsial-iqtisadi forumında qatnaşuçılar cıyılaçaq. Älege cıyınnı Rusiä prezidentınıñ İdel buyındağı wäkile apparatı, Tatarstan prezidentı Apparatı, okrugnıñ strategik tikşerenülär üzäge ütkärä. Forumda Rusiäneñ başqa illär belän köndäşlek itü säläte temasına söyläşü bulaçaq. Cıyılışta qatnaşır öçen Qazanğa Vladimir Putinnıñ İdel buyındağı wäkälätle wäkile Sergey Kirienko da kiler dip kötelä. Forumda Mintimer Şäymiev tä qatnaşırğa tieş. Qazanda tağın ber zur cıyınğa äzerlänälär. 10 yünnän 13 qädär başqalabızda Rusiä Federatsiäse häm Evropa illäre regionnarınıñ konstitutsion statusı dip isemlängän xalıqara fänni-ğämäli konferensiä uzaçaq. Sişämbe könne respublikanıñ Däwlät Şurasında älege cıyılışnı oyıştıru komissiäseneñ soñğı utırışı ütte. Bu konferensiä Evropa Şurası belän bergälektä oyıştırıla.
XS
SM
MD
LG