Accessibility links

Кайнар хәбәр

İtaliä Yewropa Berlegen täwäkkäl itärgä teli


İtaliä premyer-ministrı Silvio Berlusconi İtaliä aldağı 6 ayda Yewropa Berlege prezidentı bulğanda östenlekne ğömüm-Yewropa xäräkätenä häm iqtisdıy investitsiälärgä biräçäk dide. Strassburgta Yewropa Parlamentına İtaliä programmasın täqdim itkändä Berlusconi Yewropa Berlege täwäkkälsezlegen tuqtatırğa häm dönyaküläm ışanıçlı köçkä äwerelergä tieş dide. Berlusconi İtaliä prezidenlığı öçen, cämäğätçelek häm xosusıy investitisälärne arttıru aşa iqtisadqa yardäm itü eşe berençe urında tora dip äytte. Berlusconi äytüençä, östenlekkä iä bulğan tağın ike mäs'älä – Yewropa Berlegeneñ sotsial' tä'minät sistemasın ölkänäyä baruçı xalıq mänfğätlärenä yaraqlaştıru häm Berlekneñ xezmät bazarların zamançalaştıru. Berlusconi älege çığışın başlağanda Yewropa Parlamentınıñ qayber äğzaları İtalian telendä "Qanu härkem öçen ber" digän plakatlar kütärde. Küptän tügel İtaliä parlamentı Berlusconiğa, premyer-ministr bulğanda korrupsiä öçen cinayät çawaplılığına tarttıruğa yul quymawçı, qağılğısızlıq xoquqı birgän ide.
XS
SM
MD
LG