Accessibility links

Кайнар хәбәр

Yewropa Komissiäse Waşingtonnıñ, Xalıqara suğış cinayätläre mäxkamäse aldında amerikalılarğa qağılğısızlıq xoquqı birüçe ikeyaqlı kileşülär imzalamağan illärgä xärbi yardämne kiçekterü qararın tänqitläp çıqtı.


Komissiä wäkile Yewropa Berlege Quşma Ştatlarnıñ xalıqara mäxkamägä bäyle borçıluları mäs'äläsen bu mäxkamäneñ köçen kimentmi genä çişep bula dip isäpli dide. Quşma Ştatlarnıñ bu qararı Yewropa Berlegenä quşılırğa cıyınuçı Baltıyq däwlätlärenä, Slovakiä, Sloveniä, Bolğarstan häm Xorvatiägä qarıy. AQŞ belän ikeyaqlı kileşülär imzalağan Rumıniä, Albaniä, Makedoniä häm Bosniägä xärbi yardäm däwam itäçäk.
XS
SM
MD
LG