Liberiäneñ başqalasında uram çığışlarında qatnaşqan meñnärçä keşe Quşma Ştatlar prezidentın biregä ğäskär cibärtergä, inde öç yıl däwam itkän qan qoyularnı tuqtatırğa çaqıra.
Amerikannar citäkçelegendä Liberiägä tınıçlıq urnaştıru köçlären yullaw turında şulay uq Berläşkän Millätlär Oyışması, Fransiä belän Britaniä dä rizalığın belderä. Läkin Quşma Ştatlar bu operatsiäne planlaştıra başlasalar da, äle qarar qabul itmägän. BMO Liberiäneñ prezidentın suğış cinayätçese dip iğlan itte. Xakimiät ğäskärläre belän baş kütärüçelär arasında barğan suğışta meñlägän keşe hälak buldı. Qan qoyularda prezidentnı ğäyeplägän Quşma Ştatlar Teylornı wazıyfasınnan kitärgä çaqıra.
