Bosnianıñ könçığışında 1992-95nçe yıllardağı suğış waqıtında üterelgän möselmannarnıñ cäsätläre tabıldı.Yuğalğan keşelär öçen Bosnia möselmannarı komissiäse äğzası Murat Hurtiç Zvornik şähärçege yaqınındağı 7 qäberlektä 65 mäyet tabıldı dip belderde. 8-nçe qäber düşämbädä qazıla başlana. 5 qäberlektäge mäyetlär qapçıqlarda bulğan, andıy qapçıqlarnı suğış waqıtında Belgrad kontrolendäge Yugoslav Xalıq armiäse qullandı dip belderde Hurtiç. Yuğarıda äytep kitkän komissiä älegäçä 280 qäberlektän 16,500 mäyet çığardı.