Accessibility links

Kitap satudan tabış barmı?


Mäskäw tatarlarınıñ küptänge xıyalları tormışqa aştı, çönki başqalada şuşı könnärdä “Bibliosfera” kibetendä Tatarstanda näşer itelgän kitaplar satu bülege açıldı,- dip yaza Intertat.ru elektron gäzite. Bu kibet Mäskäw şähäreneñ Marksistskaya uramındağı 9 yortta urnaşqan. “Tatarstan kitap berläşmäse” däwlät unitar predpriätiese “Bibliosfera”ğa yaqınça 20 meñ sumğa 131төрле isemdäge kitap tapşırdı. Kitaplar tatar häm rus telendä. Alar arasında Raşat Safinnıñ “Tatar yulı”, Mösäğit Xäbibullinnıñ “Qubrat xan”, Aydar Xälimneñ “Milli şiğerlär”, Rezidä Wälievanıñ “Qoyaşlı yañğır”, Ğabdulla Tuqaynıñ “Käcä belän sarıq äkiäte”, şulay uq Venera Yakupovanıñ “100 istoriy o Suverenitete”, ”Ensiklopediçeskiy slovar'”, “Tatarskie narodnıye igrı”,“Uçimsya igrat na bayane“, “Prazdniki i pozdravlenia” ,“Znamenitıye lyudi Kazani”, Rafael' Bilyalovnıñ “Konsertnaya syuita”, Rezida Axiärovanıñ “Fortepiannıye pesni dlya detey”, Xrestomatia po tatarskoy fortepiannoy muzıyke”, Oçerki po istorii tatarskoy obşçestvennoy mısli” kebek basmalar bar.

Älbättä, kitap çığarır öçen küpme köçlär sarıf itelgänen sanap betererlek kenä tügel. Şulay bulsa da tatar kitapları bik oçsız.

Äle küptän tügel genä bezneñ radioğa Ufadan İrek Ganiev kilep kitte.Ул1990 yıllarda Ufağa Qazannan tatar kitapların kütärep taşıp säwdä eşen oyıştırğan ide. Läkin ul bölgenlekkä töşte.

Beleme belän BDUnıñ tatar häm rus tele bülegen tämamlağan.Tumışı belän Başqortstannıñ İleş rayonı yegete İrek Ganiev Ufada tatar kitapları satu eşen oyıştırıp ta säwdäneñ uñışlı bulmağanı turında söyläde.Bügenge köndä yuğarı belemle tatar tele uqıtuçısı İrek Ganiev taksi xezmäten oyıştırmaqçı bulıp yöri, ämma ul närsä genä oyıştırsa da, anıñ küñelendä milli toyğılar berqayçan da sünmäyäçäk. Şulay , ul kitap satıp tügel, ä taksi yörtep ikmäk tabarğa cıyına.

Kitap, kassetalar satıp,älbättä bayığan keşelär dä bar.“ Taş qalada min boyar” uyınına oxşağan bazar säyäsäte xökem itkändä, kemneñ aqçası kübräk, şul törle eçtälekle kitaplar çığara alğan waqıtta, milli kitap säwdäse bügenge köndä tabış kitererme?

“Bibliosfera”nıñ ilebezneñ törle şähärlärendä filialları bar häm ul Rossiädä kitaplarnı küpläp satu predpriätieseneñ berse bulğan “Master-kniga” çeltärenä kerä. Satıp aluçılar bulsa, bu tatar kitabı bülege älegä “Bibliosfera” kibetendä genä bar ikän.

ide. Intertat.ru elektron gäzite xäbär itüençä,“Master-kniğa” çeltäre tizdän Tatarstanda da häm şulay uq başqa şähärlärdä dä üz kibetlären açarğa planlaştıra ikän.

Şunısın äytik, kitap säwdäsen yaxşı oyıştıra belgän häm Mäskäwdä tatar kitabı bülegen açqan “Master- Kniga” firmasında eşläwçelär bezneñ millättäşlärebez tügel . Ä tatarlar kitap satıp alu belän üzlärenä yärdäm itä alırmı?

Azatlıq radiosı öçen Qazannan Mälikä Basıyr.
XS
SM
MD
LG