Accessibility links

Кайнар хәбәр

İran prezidentı, ägär dä xalıq teläsä urınınnan kitärgä äzer toruwın belderä


Tähran. İran prezidentı Möxämmät Xatami, ägär dä xalıq teli ikän, min bu urınımnan kitärgä riza dip beldergän, anıñ şuşı süzlären bügen xökümät çığara torğan "İran" basması bäyän itte. Älege xäbär, İrandağı cämäğätçelektä, Xatami üzeneñ ilne reformalaw ölkäsendäge wäğdälären ütämi digän qaraş nığığan çaqqa turı kilde. Basma İran prezidentınıñ, "bez xalıqnıñ xucası tügel, barı tik şuşı millätneñ xezmätçeläre genä. Ägär dä millät, bez sezne telämibez disä, bez kitäçäkbez" digän süzlären kiterä. Şuşı belderüwen ul İran başqalasınnan könbatışta yatqan Karajdağı çığışında yasağan. Associated Press agentlığı mäğlümatına qarağanda, däwlät televideniäse häm radiosı, Xatami çığışın, anıñ şuşı süzläre bulğan öleşne kisep bäyän itkän. Soñğı atnalarda İran xakimiatendäge qadimi dairälär, Xatami xökümäte täqdim itkän ike möhim reformaçıl qanunnı kire qaqtı.
XS
SM
MD
LG