İzrail premyer ministrı Ariel Şaron bügen Londonda Britaniä premyer ministrı Tony Blair belän söyläşüläre waqıtında, Fälästin aftonomiäse başlığı Yasir Arafat belän bar törle mönäsäbätlärne tuqtatırğa çaqırdı. Şaron Arafatnıñ Fälästin aftonomiäse premyer ministrı Mäxmüt Abbasnıñ abruyın töşerergä omtıluında häm Yaqın Könçığışta tınıçlıqnı cayğa saluda kirtälär quyarğa tırışuına inanğanlığın belderde. Küptän tügel genä Amerikanıñ FOX televidenisenä äñgämä birgän Şaron, inde öç yıl buyı tuqtamıy qan qoyulardağı barlıq cawaplılıqnı, ul haman da terrorçılarğa teläktäşlek belderä dip, Yasir Arafatqa yökläde.
