Liberiädä baş kütärüçelär Quşma Ştatlardan illärenä tiz arada tınıçlıq urnaştıru köçlären yullawnı sorıy. Berläşkän Millätlär Oyışmasınıñ general' sekretare Kofi Annan, AQŞ prezidentı George Bush belän oçraşqannan soñ, Liberiägä başta meñ keşe çaması, könbatış Afrika ğäskärläre cibäreläçäk dip belderde. Bush üze Waşington Liberiägä tınıçlıq urnaştıru köçlären cibärergä qarar qabul itkän oçraqta da, ul bik az sanlı bulaçaq dip äytte. Anıñ süzlärenä qarağanda, bu soraw tulısınça, büğenge köndä Liberiädä bulğan xärbi belgeçlärneñ xisabınnan soñ çişeläçäk.
