Uzğan töndä Tel Avivta ber fälästinle barda utıruçı keşelärgä pıçaq belän taşlanıp öçesen yaralağan. Ber yaralanuçı hälak bulğan. Höcüm yasawçı qulğa alınğan. İzrail politsiäse anıñ maşinada utırıp qalğan iptäşen ezli. Bu höcüm öçen cawaplılıqnı üz östenä Äl Aqsa cäfalanuçıları törkeme alğan. Tel Avivta 29 iyündä fälästin radikalları belän İzrail arasında öç aylıq solıx tözelgännän soñ, bu berençe höcüm. Şul uq tönne İordan yılğasınıñ könbatış yarında izrail xärbiläre "Fätx" häm "İslamçı Cihad" törkemennän 6 keşene totqarlağan.
