Başqortstan tatarları qorıltayınnan soñ başqarma komitet bu atnada berençe tapqır cıyılıp alğa taba eş yünäleşlären bilgeläde. Komitet tözeleşendä üzgäreşlär bar. Xäzer ayırım mäs'älälär belän şöğellänäçäk 8 komissiä eşlärgä äzer. Monnan tış xezmät xaqı tülänäçäk ike wazifa buldırıldı. Läkin başqarma komitet utırışında yañğrağan ber çığışqa bügen ayırım iğtibar biräsebez kilä. Eşquar Ramil Bignov Ufada tatar gimnaziäse eşmäkärlär aqçasına salına ala bit digän täqdim kertte. Gimnaziä tözü öçen maxsus waqıf buldırılaçaq, Ramil Bignov citäkçelegendäge şirkätlär üz aqçaların kertergä äzer inde.
Fänis Fätxi, Ufa
Fänis Fätxi, Ufa
