Accessibility links

Ğiraqta tağın 2 amerikan xärbie xäläk buldı


Bügen Ğiraqnıñ tönyağında urnaşqan Tal Afar şähäre yanında amerikan yasalğan xöcüm näticäsendä ike xärbi xäläk bulğan, berse yaralanğan. Bagdad hawa alanı yanında bulğan maşina qazası säbäpe tağın ber amerikan xärbie ülgän, ikese yaralanğan.

Berläşkän Millätlär Oyışması mäglümätenä qarağanda, Hilla şähäre yanında humaitar törkem qärwanına xöcüm yasalğan, näticädä oyışmanıñ ber xezmätkäre yaralanğan, maşina yörtüçese xäläk bulğan.

Associated Press xäbär itüençä, könyaqtağı Nacaf şähärendä 10 meñ çaması şiği möselman, amerikan ğäskärlären ildän çığarırğa taläp itep, demonstratsiä ütkärgän.

Ul arada Amerikan citäkçelege Ğiraqnıñ 6 meñ-yarım keşedän torğan civil köçlären buldıru turında xäbär itte. Alar amerikan xärbiläre belän bergä şähärlärdä patrul itäçäk.
XS
SM
MD
LG