Äfğanıstanda Xämid Karzai Qabuldağı ilçelege tar-mar itelgängä Paqıstannan ğafu ütengäne öçen, "Payomıy Möcähid" gazetı ilneñ liderın eşennän kitüen taläp itkän yazma bastırğan. Läkin gazetnıñ barlıq tirajı da satuğa çığarılmıy tartıp alınğan. Tönyaq Alyans tarafınnan näşer itelä torğan "Payomıy Möcähid" gazetı "Karzai Amerika qurçağı, ul ğafunı da Amerika basımı astında yasadı" dip belderä. Qabulda Paqıstan ilçelege bügen eşen yañadan başladı. İlçe, äfğan xakimiäte zıyannarnı tüläde häm iminlekne saqlarğa wäğdä birde dip belderde. Ber törkem äfğanlı, Paqıstan ğäskärläre Äfğanıstanğa bärep kergän digän xäbärdän soñ, Paqıstan ilçelegen tar-mar itkän ide.
