BMOsı general sekretarı Kofi Annan xakimiätneñ tizlektä ğıraqlılarğa tapşırıluı öçen AQŞ citäklägän koalitsiä köçlärene basım yasıy. Annan AQŞ yaqlağan idarä şurasınıñ oyıştırılıun xuplıy. Anıñ qaraşınça şura ğıraq xalqın wäkilçelek itä häm xalıqara cämäğätçelek anı qabul itä ala. Ämma Kofi Annan süzçese Fred Echhard süzlärençä(audio)
general sekretarnıñ xisabında xärbi okupatsiäneñ betüenä alıp baraçaq waqıyğälärne anıq açıq itep bilgeläp quyu zarurlığı bar dip äytelä
Şuşı säğätlärdä İminlek Şurasında Kofi Annan ,anıñ Ğıraqtağı wäkile De mello çığış yasıylar. Anda şulayuq Ğıraqtağı İdarä Şurasınıñ 3 wäkile süz alaçaq dip kötelä. Bagdattan NYqa kilgän 3keşelek delegatsiädä Ğıraq Milli Kongressınıñ citäkçese Axmäd Çalabi, eleke diplomat Akilä al Haşemi häm eleke tışqı eşlär ministırı Adnan Paşaçı bar... Kofi Annan İminlek Şurası Ğıraqta yaña ğına oyışqan idarä şurasın yaqlap çığar digän ömed belderde. Bu törkemneñ kiñ küläm yaqlanuı suğışqa qarşı bulğan häm koalitsiä okupatsiäsen yaqlauçı dip kürenergä telämägän illärneñ Ğıraqqa yardäm itüenä kiterä alır ide. Ğıraqta här kön diärlek xärbiläre üterelgän AQŞ ayına 4milliard dollarğa töşkän operatsiägä başqalarınıñ qatnaşun telär ide älbättä. Prezident G.Bush kiçä genä (audio)
Ğıraqta törle illärdän küp keşe bulsa yaxşıraq bulaçaq , Ğıraqnı iminrek urın xälenä kiterü öçen kübräk keşene qatnaştıru bezneñ mäqsat bulıp tora . Ğıraqnı irekländerü,terrorğa qarşı suğışta ciñep çığunıñ möhim öleşen täşkil itä.
Bush Ğıraqta AQŞ citäklägän administratsiäne tanığan iminlek şurasınıñ 1483 nomerlı rezolutsiäse , başqa illärgä dä koalitsiä köçlärenä qatnaşu xoquqın tanıy dip xäterlätte. . Ämma Fransiä,Russiä, Hindistan kebek illär BMOnıñ rolen kiñäytkän yaña rezolutsiä bulsa ğına Ğıraqqa ğäskärilär cibärerbez dip belderä. Waşingtonda urnaşqan Strategik häm Xalıqara Tikşerülär Üzägendä eşläwçe konflikttan soñ ilne tözekländerü mäsäläläre belgeçe Bathsheba Crocker Azatlıq Radiosına Ğıraqtağı İdarä Şurası wäkilläreneñ bu atnada BMOda çığış yasauı Bagdadtağı waqıtlı xakimiätneñ abruyın arttıra dip äytte. Crocker(audio)
Bu şuranıñ möhim rol uynauı öçen çın teläk bar.Ğıraqta qabul itelgän qarar ,alıp barılğan säyäsätkä Ğıraq tamğası suğu öçen tırışlıq bara. Minemçä BMOnıñ doğa fatixasın alu bu prosessnı räsmiläşteräçäk häm här haldä yardäm tä itäçäk
Crocker 27nçe iyün belän 7nçr iyül arasında Ğıraqnıñ 11şährendä bulıp qaytqan amerikan törkemendä ide. Alar üz säfärläre turında täğdim itkän xisapta Ğıraqnı tözekländerü öçen koalitsiäne kiñäytergä BMO häm başqa illärne dä kertergä çaqıralar. Crocker törkeme Ğıraqta iminlekne arttıru öçen xärbilärne böten ildä yaxşıraq urnaştırunı, ilne tözekländerü prosesına küpläp ğıraqılılarnı qatnaştırunı da kiñäş itä.
färidä xämit,praga
färidä xämit,praga