Accessibility links

Кайнар хәбәр

Tatarstanda yuğarı uqu yortlarına kerü imtixannarı däwam itä...


Respublikada, bar Rusiä töbäklärendä kebek ük, yuğarı uqu yortlarına kerü imtixannarı başlanıp kitte. İldä demografik wazğiät bik şäptän bulmawğa da qaramastan, älegä uqu yortlarında uqırğa teläwçelärneñ sanı bik küp. Qayber mäğlümatlarga qarağanda, qaysıber ayıruça populyar bulğan büleklärgä bıyıl konkurs ber urınğa 27 keşegä citkän. Mondıy zur konkurs belän Qazannıñ Texnik universitetı maqtana ala ikän. İnstitutlarğa häm universitetlarğa dokumentlarnı tapşıru tämamlanğannan soñ yasalğan berençe näticälärgä qarağanda, ağımdağı yılnıñ abiturientları iqtisat häm texnik belgeçleklärne saylağannar. Şulay uq ğädättägeçä menedjment, jurnalistika, tellärne öyränü kebek belgeçleklär dä üzläreneñ populyarlığın älegä cuymağan.

Gölnaz İlgizär

XS
SM
MD
LG