Accessibility links

Кайнар хәбәр

İran wäkile Tährannı atom qorılmalarında qatıraq tikşerülärgä rizalaşırğa çaqıra


İrannıñ Xalıqara Atom Energiäse Agentlığındağı räsmi wäkile Ali Akbar Salehi Tährannı atom qorılmalarında kötelämägän tikşerülärgä rizalaşırğa çaqırdı. Salehi atom qorılmaların aldan xäbär itmi genä kilep tikşerülär qayber problemalarnı beteräçäk häm İrannıñ atom programması turındağı xalıqara borçılularnı yuqqa çığaraçaq dide. Salehi fikerençä, bu mäs'älä agentlıqnıñ sentäber ayında ütäçäk utırışında çişelergä mömkin. Salehinıñ älege belderüenä qädär bügen İrannıñ atom programması süzçese Xalil Musavi wazıyfasınnan kitkänlegen häm anıñ kitüenä citäkçelekneñ çärşämbe könne ük rizalıq birgänlegen iğlan itte. Anıñ ni öçen kitkänleğe äytelmäde. Bügen İran studentlarınıñ xäbär agentlığı İran Atom Energiäse Oyışması süzçese itep Sabir Zäniannıñ bilgelänüe turında belderde. Soñğı arada İranğa Atom texnologiälären taratmaw turındağı xalıqara kileşüneñ östämä protokolın imzalaw taläbe belän qatı basım yasala. Bu protokol İrannıñ atom qorılmalarında qatıraq tikşerülär ütkärü mömkinlege biräçäk. Waşington Tährannı atom qoralına iä bulırğa tırışuda ğäyepli. İran bu ğäyepläwne kire qağa.
XS
SM
MD
LG