Rusiäneñ xärbi citäkçelege Çeçnäneñ könyağındağı tawlarda çeçen suğışçılarnıñ zur bazası yuq itelü turında xäbär itä

İnterfax agentlığı mäğlümätlärenä qarağanda, lagerğa köçle hawa höcüme yasalğan. Höcümnärdän soñ anda 15 çeçen suğışçısınıñ mäyete tabılğan.

Uzğan tönne bulğan bäreleşlärdä sigez çeçen suğışçısı üterelgän häm ikese totqarlanğan. Rusiä xärbilärendä dä yuğaltular bar. Alardan ike keşe h'lak bulğan. Atışlar näticäsendä Groznıyda şähärne elektr belän tä'min itkän podstansiägä zarar kilgän. Şähärneñ berniçä rayonı utsız qalğan.