Soñğı yıllarda Tatarstan xökümäte çittä yäşäwçe tatarlarğa iğtibarnı bermä-ber arttırdı. Bigräk tä yäş millättäşlärebez, balalar belän eşläwgä zur ähämiät birelä başlandı. Xäyer, äle barısı da al da göl bulmasa da, bu ölkädä yaxşı yaqqa üzgäreş inde sizelä. Bıyıl cäy könnärendä genä yäşlär öçen Tatarstanğa ekskursiälär oyıştırıldı, çit töbäktäge tatar balaları häm yäşläre öçen berniçä lager eşläde. Bügen bez sezgä şularnıñ berse, Biektaw rayonında urnaşqan Baytik kompyuter lagerında ütkän Millätebez xäzinäläre smenası turında söylärgä telibez. Bu lager 14 yüldä üzeneñ eşen başlap, pänceşämbe, 31e könne yabıldı. Älege çara bıyıl inde dürtençe märtäbä ütkärelä ikän. Anı Tatarstannıñ Yäşlär eşläre häm sport ministrlığı häm İdel yäşlär üzäge oyıştıra. Şuña kürä, älege lagernı oyıştırunıñ maqsatları turında, ğomumän, bu smenanıñ başqalardan närsäse belän ayırılğanı, anda uzdırılğan çaralar turında beleşer öçen bez İdel üzägeneñ xezmätkäre, Millätebez xäzinäläre profil’ smenasınıñ citäkçese Mörşidä Cihanğa möräcäğät ittek. Ul Azatlıq radiosı tıñlawçılarına menä närsälär söyläde.
Audio: Millätebez xäzinäläre lagerınıñ töp maqsatı – çit töbäklärdä yäşäwçe tatar balalarına tatar telen, tarixın, milli ğöref-ğädätlärne señderü, öyrätü. Bu eştä lagerda eşläwçe äydämannar zur tırışlıq kürsättelär. Alar balalar belän däreslär ütkärde, törle çaralar oyıştırdı. Bez balalarnı xalqıbıznıñ bay milli xäzinäse belän tanıştırırğa tırıştıq. Şulay uq qızıqlı säyäxätlär oyıştırdıq. Alarnı Bolğarğa, Qırlayğa alıp bardıq, Qazan belän tanıştırdıq. Citmäsä, lager tabiğätneñ bik matur ber poçmağında, kül yanında urnaşqan. Könnär dä bik matur, cılı tordı. Här çaranıñ üz maqsatı bar. Minemçä, bez üzebezneñ alğa quyğan maqsatıbızğa ireştek.
Millätebez xäzinäläre lagerına Rusiäneñ 15läp töbägennän 100 bala cıyılğan. Alar arasında Başqortstan, Çuaşstan, Mari El respublikasınnan, İvanovo, Räzän, Samar, Çiläbe, Volgograd ölkälärennän balalar bulğan. Xätta, yıraq Latviädän, Riga şähärennän dä kilgännär monda. Mörşidä Cihan süzlärenä qarağanda, lagerğa bik sälätle, aqıllı, qızıqsınuçan balalar cıyılğan. Alar här çarada da bik aktiv qatnaştı, bez alarnı bik yarattıq, kiläse yıllarda da üzebezgä çaqırıp qaldıq, di ul. Ä balalarnıñ üzlärenä älege smenadağı yal oşağanmı soñ? Bu xaqta Millätebez xäzinäläre lagerında qatnaşqan Başqortstan balaları söyli.
Audio: Bezgä bu lagerda bik oşadı. Bez monda bik küp närsälär kürdek, bik küpne beldek, tatar telen öyrändek. Lagerda aralaşu, qızıqlı oçraşular da küp buldı, üzebezgä yaña duslar taptıq. Törle bäygelärdä qatnaştıq, cırladıq, biedek, qızıqlı säyäxätlärdä buldıq. Bu lagerda bezgä bik oşadı, bez monda tağın kilergä telibez.
Şulay itep, 31 yül könne Tatarstanda tağın ber tatar balaları öçen oyıştırılğan lager üz eşen tämamladı. Anda yal itüçe küpsanlı balalar älege lagernı oyıştıruçılarğa räxmätlären citkerälär häm ul kiläçäktä dä milli xäzinälärebezne törle cirlärdän kilgän tatar balalarına taratır dip ömetlänälär.
Gölnaz İlgizär, Qazan
Audio: Millätebez xäzinäläre lagerınıñ töp maqsatı – çit töbäklärdä yäşäwçe tatar balalarına tatar telen, tarixın, milli ğöref-ğädätlärne señderü, öyrätü. Bu eştä lagerda eşläwçe äydämannar zur tırışlıq kürsättelär. Alar balalar belän däreslär ütkärde, törle çaralar oyıştırdı. Bez balalarnı xalqıbıznıñ bay milli xäzinäse belän tanıştırırğa tırıştıq. Şulay uq qızıqlı säyäxätlär oyıştırdıq. Alarnı Bolğarğa, Qırlayğa alıp bardıq, Qazan belän tanıştırdıq. Citmäsä, lager tabiğätneñ bik matur ber poçmağında, kül yanında urnaşqan. Könnär dä bik matur, cılı tordı. Här çaranıñ üz maqsatı bar. Minemçä, bez üzebezneñ alğa quyğan maqsatıbızğa ireştek.
Millätebez xäzinäläre lagerına Rusiäneñ 15läp töbägennän 100 bala cıyılğan. Alar arasında Başqortstan, Çuaşstan, Mari El respublikasınnan, İvanovo, Räzän, Samar, Çiläbe, Volgograd ölkälärennän balalar bulğan. Xätta, yıraq Latviädän, Riga şähärennän dä kilgännär monda. Mörşidä Cihan süzlärenä qarağanda, lagerğa bik sälätle, aqıllı, qızıqsınuçan balalar cıyılğan. Alar här çarada da bik aktiv qatnaştı, bez alarnı bik yarattıq, kiläse yıllarda da üzebezgä çaqırıp qaldıq, di ul. Ä balalarnıñ üzlärenä älege smenadağı yal oşağanmı soñ? Bu xaqta Millätebez xäzinäläre lagerında qatnaşqan Başqortstan balaları söyli.
Audio: Bezgä bu lagerda bik oşadı. Bez monda bik küp närsälär kürdek, bik küpne beldek, tatar telen öyrändek. Lagerda aralaşu, qızıqlı oçraşular da küp buldı, üzebezgä yaña duslar taptıq. Törle bäygelärdä qatnaştıq, cırladıq, biedek, qızıqlı säyäxätlärdä buldıq. Bu lagerda bezgä bik oşadı, bez monda tağın kilergä telibez.
Şulay itep, 31 yül könne Tatarstanda tağın ber tatar balaları öçen oyıştırılğan lager üz eşen tämamladı. Anda yal itüçe küpsanlı balalar älege lagernı oyıştıruçılarğa räxmätlären citkerälär häm ul kiläçäktä dä milli xäzinälärebezne törle cirlärdän kilgän tatar balalarına taratır dip ömetlänälär.
Gölnaz İlgizär, Qazan
