Accessibility links

Кайнар хәбәр

Tönyaq Korea krizisında Russiä diplomatiäse nindi rol uynıy?


Russiä tışqı eşlär ministırlığı kiçä, Mäskäüdäge T.Korea İlçeseneñ Yarım utraudağı atom krizisın çişü turında 6il qatnaşlığında söyläşülär ütkärüne täğdim itüe turında belderde. Bu xabärnı bugen Seul da rasladı. Belderü küptännnän birle Waşington belän ikele söyläşü taläp itkän kilgän Pxenyang säyäsätendä borılış buluın kürsätä.Bälkim dä Russiäneñ tınıç diplomatiäseneñ näticäse bulıp torğan Tönyaq Korea belderüe turında:

Pxenyangnıñ 6,lı söyläşülär aşa atom qoralları programması turındağı krizisnı çişü teläge Aqyortta da, Däwlät Departamentında da uñay qarşı alındı.Däwlät Departamentı süzçese R.Boucher kiçäge brifingta (audio) älege mizgeldä bik qıyulanğan buluıbıznı ğına äytä alam.-Tönyaq Koreanıñ küpyaqlı söyläşülär turındağı täqdimebezne qabul itü işaräsenä qıyulandıq. Bu söyläşülärgä ike Korea,AQŞ, Qıtay ,Russiä vä Yaponieä qatnaşaçaqlar. Ämma Boucher söyläşülärneñ qayda bulaçağın äytä almadı ul şulayuq ni öçen möhim xabärneñ Mäskäüdän işetelüen dä añlata almadı. Waşingtonnıñ Tönyaq Korea problemasındağı töp partnörı Qıtay .Sonğı söyläşülär dä Pekingdä üttte.Boucher amerikan räsmiläreneñ bu xabärne Qıtaydan öyränülären jurnalislarğa äytte. G.Bush kiçä Qıtay prezidentına şaltıratqan. Radiobıznıñ möräcäğät itkän analitiklar körçekkä terälgän tönyaq Korea krizisı tiräsendäge diplomatiedä Russiä rolenä basım yasıy. Hawaidä urnaşqan Aziä-Tın Okean iminlek tikşeränüläre üzägendä eşläwçe, Russiedä tuğan professor Aleksander Mansurov T.Korea mäsälälären in yaxşı belüçelärdän. Mansurov AQŞ vä mätbuğat ällä ni ähämiät birmäsä dä,Pxenyag mäsäläsendä Russiä diplomatiäse töp rolne uynadı dip äytä.Mansurov Putin belän T.Korea prezidentı Kim Jong-il arasındağı yaqın mönäsäbärlärne bolay dip añlata(audio) Putin belän Kim Jong il arasında 3yıldan birle bik üzençälekle, bik yaqın mönäsäbätlär urnaşqan, alar berbersen yaxşı añlıy.Quşma Ştatları Qıtay yulına iqtibar itä.Şul waqıt eçendä Putin Kim Jong –İl belän fiker alışuğa ähämiät birde alar xosusi xatlar belän alışa.Bolar mätbuğatta yaqtırtılmıy ikän , bulmıy digän süz tügel. Nigezdä Russiä dä küp yaqlı söyläşülär buldıru öçen tırışa. Mansurov minemçä T.Korea üzene in küp yardäm kürsätkän Qıtaydan doşmalıq sizä başladı. Waşington ,Pxenyangnıñ taşlamalar yasauı öçen Qıtayğa basım yasıy. bälkim dä şunlıqtan , Pxenyang apreldä ütkän öçle söyläşülärne ikegä qarşı ber söyläşte dip xis itä torğandır. Kim Jong il üz mänfäğätläre , üz pozitsiäse Mäskäünekenä yaqınraq dip xis itä ayruça ,Russiä Qıtay kebek basım yasamıy dip söyli Aleksander Mansurov. Mäğlüm ki kiçägä qädär Pxenyang Waşington belän ikele söyläşülär taläp itep kilde.T.Korea 1994-nçe yılda AQŞ belän kileşügä qul quyğan bulsa da, ütkän üktäberdä ul atom –qoralları programması östendä eşläwen faş itte.Şunnan soñ krizis kiskennäşkännän kiskinnäşä bara. AQŞ däwlät sekretarınıñ qorallarnı kontrol häm iminlek mäsälälärendäge yardämçese John Boulton kiçä Seulda bolay dip söyläde(audio) Kim Jong il üze Pxenyangda patşalar kebek yäşi.Ul yözmännärçä keşene törmädä, lagerlarda tota, millionnarça keşe xäyerçelekkä batqan.Tönyaq Koreada tormış küplär öçen albastı bulıp tora. Qayber analitiklar AQŞnıñ kisken retorikası sonğı çiktä T.Koreanı taşlamalar yasarğa möcbür itäçäk dip äytsä dä Philadelphiada urnaşqan Korea-Amerika Tikşerüläre İnstitutında Sang Joo-Kim Mansurov kebek uylıy. Kim(audio) Minemçä T.Koreanıñ köntärtibe bar.Min Mäskäüdäge T.Kore ilçese John Bolton belderüenä cawap birä dip uylamim. Pxenyang üz yulınnan bara.Belkim Putin Kim Jong İlneñ qarşılıq kürsätä almağan täğdimnär kertkänder ,iminlek, berberenä höcüm itmäw rejim üzgärtelmiäçäk kebek qayber garantiälär birgänder. . Kim qaraşınça, Pxenyang Bush yañadan saylanğançı AQŞtan qayber iminlek garantiäläre alıp qalırğa bik teli çönki ul, Bush prezidentlığınıñ ikençe möddäte başlanğaç, yuğaltaçaq ber närsäm yuq, alda yaña saylaular tormıy digän fikerdän çığıp Tönyaq Koreaga höcüm oyıştırır dip qurqa. Kim Pxenyangnıñ iminlege Könyaq Korea,yaponiä, yäki Qıtay tarafınnan garantiälänmi .Peking anıñ atom qorallarına qarata çıdamsızlığın kürsätä başladı. Andıy garantiäne Russiä genä birä ala dip söyli Filadelfiada urnaşqan analitik Sang _Joo-Kim . Ul tağı mondıy fikerlär beyan itä: Könyaq Korea älbättä Bushnıñ militarizmın kontrolde totırğa telär ide. Moñı isä Putin genä eşli ala. Tönyaq Koreanıñ fikeren üzgärtü belän Mäskäü qızıqsına ,çönki ul moña cawap itep Seuldan 600 million dollar burıçnı sızıp taşlaunı sorar ide. İsemeneñ açıqlanuın telämägän amerikan räsmiä yaña söyläşülär bälkim dä sintäber yäki elegeräk Pekindä bulır dip äytkän Reuter agentlığına

färidä xämit, praga
XS
SM
MD
LG