Fälästin xäkimiätläre Yäsir Arafatnıñ Ramallaxtağı ştab kvartirasındağı problem çişelde dip belderä. Kiçä anda Äl Aqsa cafalanuçıları törkemeneñ 17 suğışçısı totqarlanğan. Bu ekstremist törkem, anıñ suğışçıları qulğa alğan oçraqta, izraillelärgä höcümnären yañartaçaq dip yanağan ide. Läkin bügen alarnıñ totqarlanmawı häm İzrail taläp itkänçä, Ärixon şähärenä ozatılmawları bilgele buldı. Bu xaqta söyläşülär däwam itä. İordan yılğasınıñ könbatış yarında Ramallax şähärennän yıraq tügel ber cirdä, İzrail politsiäse, maşinasın blokposta tuqtatmağan ber fälästin keşesen atıp ütergän. İzrail radiosı, maşina yörtüçe urlanğan maşinada bulğan, ul politsiä maşinasına bärelgännän soñ, qaçıp kitärgä tırışqan dip xäbär itä.
