Tönyaq Koreanıñ tışqı eşlär ministrı atom proğramması tiräsendäge küpyaqlı söyläşülär tizdän Pekinda açılaçaq dip belderde. Belderüdä tögäl qaysı kön ikänlege kürsätelmägän. Bu söyläşülärdä Tönyaq häm Könyaq Korea, AQŞ, Qıtay, Yaponiä häm Rusiä qatnaşırğa mömkin. Tönyaq Korea xäkimiätläre, Quşma Ştatlarnıñ däwlät sekretare urınbasarı John Bolton: "Xalıq açlıqtan integä, anıñ liderı Kim Çen İr baylıq eçendä yäşi, dip beldergännän soñ, anıñ belän söyläşülär alıp barudan baş tartqan.
