Quşma Ştatlar, Tönyaq Korea häm tağın 4 il qatnaşında, Tönyaq Koreanıñ atom programması turındağı söyläşülär, şuşı aynıñ ikençe yartısında Pekinda ütäçäk. Bu turıda bügen Pxenyannan qaytıp töşkän, Qıtay Tışqı eşlär ministrı urınbasarı Wang-İ xäbär itte. Räsmi Pxenyan başta Quşma Ştatlar belän bergä-ber söyläşülär teläp itte. Ämmä Waşington, bu mäsälä töbäktäge bar illärgä qağıla dip basım yasağaç,– Quşma Ştatlar, Qıtay, Rusiä, Yaponiä häm Könyaq Korea qatnaşında söyläşülärgä rizalıq birde. Söyläşülärneñ tögäl köne älegä bilgesez. Yaponiäneñ Asahi gäzite yazuınça, Quşma Ştatlar, Yaponiä häm Könyaq Korea - Avgustnıñ 26-sında başlarğa tädim itä.
