Ğiraqnıñ könyağında urnaqşan Basra şähärendä inde ikençe kön tärtipsezleklär däwam itä. Cirle xalıq elektr energiäse häm benzin qıtlığına protest belderä: benzin stansiälären cimerä, maşinalarğa ut törtä. Basrada tärtip saqlawçı Britan xärbiläre hawağa kisätü utı açırğa mäcbür buldı. Çualışalr waqıtında ber keşe yaralanğan dip xäbär itelä. Britan xärbiläre wäkile kapitan Hişam Halawi süzlärençä, xärbilär şähärneñ töp benzin stanisäsen saqlıy, häm yağulıqnıñ döres bäyägä satıluwın tä'min itergä tırışa. Eleltr qıtlığına kilgändä, Hişam monıñ säbäben sabotaj häm, 50 gradus däräcädä esselek belän añlattı.
