Hindstan premier-ministrı Atal Behari Vacpai, Hindstan belän Paqstan arasındağı qanlı bäreleşlärgä çik quyarğa, häm duslarça yäşärgä çaqırdı. Anıñ şuşı möräcägäte bügen İslamabadta, Hindstan-Paqstan konfliktına bağıçlanğan könferensiädä uqıldı. Hindstan belän Paqstan 1947-dä Britaniädän bäysezlek alğannan soñ, üz-ara inde 3 tapqır suğış başladı. Çik buyında atışular daimi küreneş bulıp tora. İke ilneñ dä xäzer atom qoralı bar.
